پاکستان

ڈان لیکس میں ملک چلانے کیلئے پرویز رشید کو عہدے سے ہٹایا گیا،کیپٹن صفدر

مسلم لیگ ن کے رہنما کیپٹن ریٹائرڈ صفدر کا کہنا ہے کہ نواز شریف نے ذہانت اور دانشمندی سے حکومت کی، ملک چلانے کیلئے ڈان لیکس کے معاملے پر غلطی نہ ہونے کے باوجود پرویز رشید کو ہٹایا گیا۔

کیپٹن ریٹائرڈ صفدر نے احتساب عدالت کے باہر میڈیا سے گفتگو کرتے ہوئے کہا کہ آئندہ عام انتخابات کے بعد مسلم لیگ ن کی حکومت ہوگی۔ ان کا کہنا تھا کہ نوازشریف کے بیان کو سیاق سباق سے ہٹ کر پیش کیا گیا۔

صحافی نے ان سے سوال کیا کہ اگر ڈان لیکس کے معاملے پر سابق وفاقی وزیر پرویز رشید کی کوئی غلطی نہیں تھی تو انہیں عہدے سے کیوں ہٹایا گیا ؟ کیپٹن ریٹائرڈ صفدر نے جواب میں کہا کہ نواز شریف نے ذہانت اور دانشمندی سے حکومت کی، ملک کو چلانے کےلئے پرویز رشید کو عہدے سے ہٹایا گیا۔

مزید دیکھائیں
Close