انٹرنیشنلاہم خبریں

امریکہ نے ٹرمپ کوسوشل میڈیا پر دھمکی دینے والے شخص کی شناخت کیلئے پاکستانی تحقیقاتی ایجنسی ایف آئی اے سے مدد مانگ لی

ایف آئی اے سائبر کرائم سیل کے ڈائریکٹر کیپٹن ریٹائرڈ محمد شعیب نے قومی اسمبلی کی قائمہ کمیٹی کو بریفنگ دیتے ہوئے بتایا کہ پاکستان سے امریکی صدر ڈونلڈ ٹرمپ کو سوشل میڈیا پر دھمکی آمیز پیغام جاری کرنے والے شخص کی تلاش کیلئے امریکہ نے ہم سے مدد طلب کی ہے لیکن ہمیں افسوس سے کہنا پڑ رہاہے کہ جو افراد سوشل میڈیا پر توہین آمیز مواد اپ لوڈ کرتے ہیں ان کا پتا چلانا بہت مشکل ہے ۔

تفصیلات کے مطابق محمد شعیب کا کہناتھا کہ عمران خان کی ہندو مذہب کے مذہبی کردار’شیوا ‘ کی طرز پر بنائی گئی تصویر اور ڈونلڈ ٹرمپ کو دی جانے والی مبینہ دھمکیاں کس کی جانب سے دی گئیں ہیں اس کا پتا چلا نا بہت مشکل ہے ۔کیپٹن محمد شعیب نے نجی انگریزی اخبار سے خصوصی گفتگو کرتے ہوئے بتایا کہ سفارتی ذرائع کے ذریعے ایف آئی اے سے رابطہ کیا گیاہے تاہم اس وقت تحقیقات کا آغاز کریں گے جب سفارتی ذرائع کی جانب سے باضابطہ درخواست سامنے آئے گی اور پھر اس شخص کا پتا لگانے کی کوشش کی جائے گی جس نے ڈونلڈ ٹرمپ کو دھمکی دی اور اسی ذرائع کو معلومات فراہم کی جائیں گی ۔

ضرور پڑھیں:عمران خان کی تیسری بیوی بشریٰ مانیکا ناراض ہو کر میکے چلی گئیں، بشریٰ انیکا کے پہلے شوہر سے بیٹے کی بنی گالہ میں رہائشی ناراضگی کی وجہ بنی: نجی اخبار کا دعویٰ

اس سے قبل انہوں نے عمران خان کی تصویر کے حوالے سے گفتگو کرتے ہوئے بتایا تھاکہ یہ تصویر 17 اکاﺅنٹس سے اپ لوڈ کی گئی ہے جس میں سے 15 اکاﺅنٹس بھارتیوں کے ہیں جبکہ صرف دو اکاﺅنٹس پاکستانی ہیں جن میں سے ایک نے تصویر ڈیلیٹ کر دی ہے جبکہ دوسرے نے ابھی لگائی ہوئی ہے ۔

مزید دیکھائیں
Close